Ho Gayi Peer Parwat Si

Ho gayi hai peer parwat si pighalni chahiye
Is himalay se koi ganga nikalni chahiye

Aaj yah deewar pardo si hilne lagi
Shart lekin thi ki ye buniyad hilni chahiye

Har sadak par, har gali main, har nagar, har gaon mein,
Haath lehrate hue, har laash chalni chahiye.


Sirf hangama khada karna mera maksad nahi
Saari koshish hai ki ye soorat badalni chahiye

Mere seene mein na sahi to tere seene mein sahi
Ho kahi bhi aag lekin, aag jalni chahiye.

by - Dushyant Kumar